IRIBURIRO
CEP UR-Nyarugenge ni umuryango w’ abanyeshuri b’aba Pentekote biga muri kaminuza y’u Rwanda ishami rya Nyarugenge ( Nyarugenge Campus), witwa CEP UR-Nyarugenge mu magambo ahinnye y’igifaransa “Communauté des Etudiants Pentecôtistes (ADEPR) de l’ Université du Rwanda, campus de Nyarugenge” (wahoze witwa CEP KIST-KHI).
Icyicaro cy’umuryango kiri i Kigali, muri Kaminuza y’u Rwanda ishami rya Nyarugenge kandi uyu muryango ukorana by’umwihariko n’Itorero rya Pentekote ryo mu Rwanda (ADEPR).
INKOMOKO Y’ IMYIZERERE Y’ UMURYANGO
Imyizerere shingiro y’Umuryango tuyikomora ku myizerere-shingiro y’Itorero rya Pentekote ryo mu Rwanda (Eglise de Pentecôte au Rwanda) ADEPR.
ABAGIZE UMURYANGO WA CEP UR Nyarugenge
Abanyamuryango ba CEP UR Nyarugenge barimo ibyiciro bikurikira: Abanyamuryango-remezo,abanyamuryango bungirije, abanyamuryango barangije kwiga, n’inshuti z’umuryango.
- Umunyaryango-remezo (Membre effectif) ni umunyeshuri wese w’ umu Pentekote mu Itorero rya Pentekote ryo mu Rwanda (ADEPR); azana icyemezo cy’Itorero aturutsemo akabyemererwa n’inama rusange y’Umuryango amaze gusomerwa amabwiriza agenga Umuryango.
- Umunyamuryango wungirije (Membre adhérent) ni umunyeshuri wese wo mu itorero rya Pentekote ryo mu Rwanda (ADEPR) utujuje ibyangombwa byose byavuzwe haruguru (1).
- Umunyamuryango warangije kwiga (Post cepien) ni umuntu wese warangije kwiga abarizwa mu byiciro 1 na 2
- Inshuti z’Umuryango (Amis de la Communauté) ni umuntu wese cyangwa umuryango wemera amahame-shingiro ya CEP UR-Nyarugenge (reba Iriburiro), akaba yemerwa n’Itorero rya Pentekote ryo mu Rwanda (ADEPR) akanafasha umuryango mu bikorwa no mu bitekerezo.
INTEGO Z’UMURYANGO (OBJECTIFS)
- Gukomeresha abanyamuryango gusenga, kwiga Bibiliya, amahugurwa, ibiganiro, imyiherero n’ibindi bikorwa bigendanye n’iyamamaza-butumwa bwiza tugendeye ku murongo w’imyizerere y’Itorero rya Pentekote ryo mu Rwanda (ADEPR).
- Kubwiriza ubutumwa cyane cyane mu mashuri makuru na Kaminuza, ayisumbuye n’ahandi hose hakeneye ubutumwa bwiza; hakoreshejwe amateraniro, ibiterane n’ubundi buryo bwaba buboneye mu ivugabutumwa (Films, Conférences, …)
- Guhamagarira abanyamuryango gukora ibikorwa by’urukundo birimo gufasha ababaye.
- Guteza imbere Isanamitima, Ubumwe n’Ubwiyunge mu mashuri makuru na Kaminuza, mu mashuri yisumbuye, mu Itorero no muri Sosiyeti nyarwanda muri rusange.